Obituary of Hans Wittwer (86) - Thun, Bern

Iz hocket niemer meh ufem Bänkli, äs isch eifach läär u für üs sehr schwär. Hesch wieder mau Vollgas gah, derbi hätt e mir mit dir no viu wöüe ungernäh… Für üs ganz unerwartet u mit schwärem Härze, muesse mir vo dir Abschied näh. Dis Läbe lang hesch du d’Gschwindigkeit u d’PS gliebt. Iz hesch du dini letscht Reis i ds Liecht ou im Eiltämpo aträte. Mir chöis no nid ganz fasse. Äs span nends u erfüllts Läbe hesch du döfe ha. Du hesch viu krampfet, geng aes ghäh u nid grad ufghäh, we öppis nid wie am Schnüerli gloffe isch. Dini Chraft, di Muet u di Wille hei mir bewundert u di ou aus härzensliebe Mönsch gschtätt u gliebt. Für die viele wunderbare u schöne Momänte, wo du üs gschenk hesch, danke mir dir vo ganzem Härze. Mir vermisse di sehr, möge dir aber ou di Friede u dini Rueh gönne u dass du iz wieder mit dim gliebte Froueli vereint bisch. Ganz härzliche Dank am Team vom WiA Sonnmatt für die liebevoll Betroiig u Pflege.